منتدى الهندسة الكهربية - عرض مشاركة واحدة

**احمد كامل** · #3 10-29-2010, 03:20 PM

السلام عليكم ورحمة الله وبركاته

اولا ربنا يوفقك ياباشمهندس ويوفقنا جميعا لما يحبه ويرضاه

بالنسبة للمكتب الفني

انا شايف انك بتدير الموقع بس عن طريق الورقة والقلم

يعني مثلا انت معاك المقايسة والرسومات للمشروع وبتدرسها كويس جدا وبتبدأ تطل ملاحظات علي الاستشاري

وبتبدأ تراجع مع مهندس الموقع جميع الاظمة اللي بيشتغل عليها وطبعا ده بيكون عن طريق الحصر الشامل للمشروع

واثناء عملية الحصر اكيد هتطلع علي المشروع بالكامل ودورك في الحلة دي ان النظام اللي متعرفوش تبدأ تذاكره مع نفسك

بس طبعا ده مش هيكون مطلوب منك في الشغل قوي لان كل المطلوب منك في المكتب الفني كالاتي

** المهارة التامة في برنامج الاوتوكاد ( يعني السرعه ومعرفة اوامر الحصر مثل الامر filter )

** برنامج الاكسيل بدرجة امتياز ( لعمل الحسابات اللازمة وتنسيق المشروع بالكامل في صورة ملف كسيل

** التركيـــــــــــز التام ( اللي بتمني علي الله انه يرزقني اياه )

** وطبعا تقدر تشتغل تحت ضغط شوية لانه بيطلب منك اكتر من حاجه في وقت واحد وياريت تلتزم بكتابة كل الطلبات

اللي بتطلب منك لحين تنفذها

** ان تكون منظم جيدا حتي تقوم بتنظيم المكتب وعمل هيكلة لكل مشروع وتسهيل الوصول الي اي ورقة من مستندات المشروع

ده تقريبا كل اللي هتعمله في المكتب الفني بالاضافة الي امكانية عمل زيارات للموقع للتأكد من عمليات الحصر وما الي ذلك

وفي النهاية كرأي شخصي

أؤيد المهندس عمارة في نقطة ان لو عملك هنا في مصر دخله كويس ويمكن ان يعينك علي صعوبة المعيشة هنا وفي امكانية الزيادة في المستقبل وتحقيق الذات فده شيء ممتاز طبعا ولا حاجة للسفر

وان كان لابد من السفر فيجب ان تخطط الي انك بعد العودة سالما غانما ان شاء الله بعد ( عدد محدد مسبقا ) من السنوات انك ستبدأ العمل لحسابك الخاص كمكتب مقاولات وتبدأ في ( شيل ) مشروع من بابه وربنا يوفقك

وبالنسبة لموضوع الخبرة

انت في المكتب الفني بتطلع علي كل شغل المكتب الاستشاري وبتدرسه كويس جدا ومعرض انك تضيف لمساتك علي المشروع وهكذا

وبكده تقدر تحصل الخبرة ( بس مع وقت اطول اكيد ) وفي نفس الوقت لابد من مرحلة في المكتب الفني قبل البدء بالعمل لحسابك الخاص حتي تستطيع ادارة اوراق المشروع جيدا ان شاء الله

اتمني اكون قدرت اقدملك ولو مساعده بسيطة واسأل الله ان يوفقنا جميعا لكل ما هو خير ( ولا تنسي صلاة الاستخارة قبل القرار النهائي )