جزاك الله خيرا يابشمهندس
فعلا العلاقة مهمه جداا بين مهندس الكهرباء وباقى الاقسام
واحب اضيف بعض الامور التى واجهتنا مع المهندس المعماي والمدني
الارتفاع بين السقف الساقط والبلاطة اللى هايمشي فيه الكابل تراي والدكتات ومواسير الشيلد واتر و الفاير
لازم تدرس كويس ونشوف كافيه ولا لا معاهم لان دا ممكن يخلينها نطلب انهم ينزلها السقف شويه ودا ممكن يترتب عليه تنزيل منسوب الارضيات
كمان نوعيهالسقف الصناعي جبس ولا بلاطات ودا بنقدر نحدد فيه نوعيه الكشاف المناسب
يعنى مثلا لو كانت خلايا مفتوحه open cells فالكشاف بيركب معلق فوقها
اما لو كانت خلايه معدنيه ماصه للصوت فيستحسن يركب كشاف 60*60 سم
مش اصغر
لانه لايفضل القطع فى البلاطات المعدنيه وهكذا
وفى كمان الفتحات او الشفتات اللى مفروض نحددها قبل التصميم اللى محتجنها علشان الكابلات
وكمان لازم ندرس شقوط الكمر خصوصا لما يكون فى فواصل انشائيه لان سقوط الكمر الغير مدروس ممكن يقف حاجز اما الكابل تراي
حتى السراميك على الحوائط مفروض نشوف الشوب جرويج بتاعه
لانه لايفضل وضع المفاتيح والعلب فى العرموس
كمان علاقتنا مع المهندس المدنى ان احنا بعد صب اى سقف ممكن يبقى اعلى من الطبيعى فى امكان معينه ودا ممكن يغير منسوب الفينش او التشطيب للدور وطبعا دا بيحددوه بعد عمل ميزانيه شبكيه للسقف من مهندس المساحه طبعا لازم الموضوع يتعرف بعد صب السقف مباشرة لان دا ممكن يؤدي الى لرفع منسوب مستوى التشطيب ودا هايخلي كل مقاسات المخارج مش سليمه لو عمله الموضوع دا متاخر بعد التكسير وتركيب العلب على الحوائط
بس كمان من الحاجات المهمه جداا علاقى مهندس الكهرباء مع الميكانيكا لان اغلب شغلهم ليه علاقه ببعضه سواء بالتشغيل او المكان او الاحمال
ياريتك يا بشمهندس نبقى نكلم عليهم فى حلقه منفصله
__________________
اللهم اغفر لابي واختي يارب العالمين
اسالكم الدعاء
|