قصيدة (((((( هفضل ابنك وشهيدك ))))))
قصيدة
هفضل ابنك وشهيدك
اهداء لمنتدى الهندسة الكهربية
شعر / عبده حسين امام
ابو خالد المنوفى
...
... مش محتاج ارسم ف عيونك
احلى كلام عن حلم سنينى
... يلى فى قلبى الضى يصونك
لما الليل سافر فى انينى
صوتى الفجر ان كان مكبوت
يدن فى الدنيا امال وسكوت
صرخات بتنادى فى حلم يموت
ايزيس بتصحى وبتضحى
وتلملم فى اهاتى وف جرحى
لفى على كل الاقاليم
زفى من موتى الترانيم
انا روحى فى عز الموت اصرار
ساكت وف عينى الحلم خضار
انا بحيا وبكسر توابيتى
وبصرخ وبودع ف سكوتى
من جسدى بتطرح ايام
من طينى بتتصور احلام
انا روح بتداعب فى حطام
مولود وفى كفى الجنات
يا ربيع طيب هيجمعنا
يا نشيد نور هيسمعنا
ونردد فيه الصلوات
صابرة ومش اول مرة
تبكى العيشة المرة
لكن حلمك ديما
بينادى الخير فى ربيع بكرة
بين ترابك نامت طغاة
وانتى اللى باقية بشبابك
فاتحة البيبان كل صلاه
بتضمى ف ثورة احبابك
تحت سماك ومن شهد نيلك
وفى ضى فجرك واناديلك
هفضل ابنك وشهيدك
__________________
عبده حسين امام
|