هنا القاهره
 

[center] السلام عليكم
من اسهل مايمكن ان نبنى مصر ولكن..........
تعالوا نشوف ايه الحاجات اللى اثرت فى مصر فى الماضى
سواء بالسلب او الايجاب - المهم انها اثرت
وتعالوا نقولها سوا وان نسيت فكرونى - بس نقولها بالترتيب

1- زمان قوى وقبل الوسائل الاعلاميه بمختلف انواعها كان الراوى
يحكى الحكايه والناس تتلف حواليه يسألوه عندك ايه من الحكاوى - اذا حكى لهم حكايه مخيفه - اترعبوا ودخلوا البيوت - واذا حكى لهم حكايه بطل مثلا - رفع كل الشباب اكتافهم لأعلى واحس كل منهم انه هذا البطل.

2- جه الراديو - وسمعنا فيه الحكاوى - الف ليله - وايوب المصرى - وملحمه مرزوق ( صاحب السلطانيه اللى كانت سبب رزقه) - وكان الراديو يؤثر كثيرا فينا - نسمع المؤثرات الصوتيه ونتخيل الحدث -

3- جت السينما - وكنا ننتظر كل اسبوع لنرى قصه شكل - منها شجيع السيما - الذى ينقذ المظلوم فى الوقت المناسب-ونتقمص بعد الفرجه هذه الشخصيه ونتمنى ان اكون انا - ومنها قصه الحب التى تنتهى بالزواج -وايضا نتمنى ان تنتهى قصتى العاطفيه كذلك - ومنها المرأه التى وقفت فى وجه اخيها او ابوها لتتزوج من تحب - وتخرج البنت وتقرر ... غدا سأفعل ذلك للأفوز بحبيبى الذى احبه ---- وغيره وغيره

4- دخل التلفزيون جوا البيت - وقام بنفس دور السينما - السابق - وكان الفرق - انه لاداعى للذهاب الى السينما -- اثر التليفزيون فى اخلاقيات الناس احيانا بالسلب واحيانا بالايجاب - واصبح هو الرفيق الاول لكل العائلات فى جميع انحاء العالم


تم استغلال هذا الأخير استغلالا جبارا فى التأثير على العقول
غسيـــــــــــــــــــــــل مخ يعنى

فهو مصدر الخبر والتعليم والتسليه
نعطى خبرا كاذبا -- ونعطى تسليه قتاليه - ونعطى تعليما زائفا

اعلانات البسكويت تمتلئ بنساء عاريات
والشيكولاته باغنيه ساقطه وهابطه - ومسحوق الغسيل بكذا وكذا


لو ان هذه الاعلانات - يتم اجبار الشركه المعلنه - ان تتضمن شئ بناء من اجل بلدنا -- كنبذ السلوك السيئ والدعوه الى السلوك الحسن - او كمعلومه حلوه زى تعليم حقوقك فى بلدك مثلا وكيفيه الوصول اليه - او تبصير بالآثار الجميله اللى جوا بلدنا -

وكمان المسلسلات الرمضانيه والغير رمضانيه - كفاياها بقى : نخللى الظالم شغاااال 29 حلقه - وفى اخر حلقه هههههه جرالوا كذا وكذا او ضربتوا عربيه ومات ههههههه - او لفت نظر سيدات البيوت لافعال الخيانه الزوجيه -- وخللى بالك يا بت من جوزك --------- ليه ما تكونش برضوا هذه المسلسلات هادفه اساسا لتعليم الفضائل بين الناس - تعليم الزوق الجميل - وفنون وادب الحديث مثلا - بحيث اخرج من المسلسل متعلم حاجه - بعيد بقى عن القصور والفيلات اللى بتحسر الناس على عيشيتها

وشركات السياحه تعمل رحلات فى متناول الناس البسطاء يزوروا فيها آثار مصرنا الحبيبه - اللى ثلاثه ارباع بل 90 فى الميه من المصريين ما يعرفوش عنها حاجه

ارجوكم تفاعلوا معى وضيفوا حاجات مشابهه وخلوا الموضوع ده اصلا عشان نبنى مصر --- من غير ما نقول ..
... ياحكومه - انتى فين ياحكومه [/center]

اولا وحشتنا اوى ياشمهندس

بالنسبه للموضوع فعلا التلفزيون كان اكبر سلاح مستخدمه النظام السابق

لغسيل المخ

كان زمان الفلاح يصحى الفجر وينام بعد صلاة العشاء دلوقت خلاص

بيسهر ادام الدش والقنوات

والافلام بقى علشان تنجح لازم يكون فيها لقطات مثيره والفاظ غريبه والا مش هاتنجح

وبدات تدخل اى بيت بسهوله

بعشرين جنيه فى الشهر تقدر تتفرج على كل القنوات عن طريق الوصلات المنتشره

فعلا النظام السابق سهل الموضوع جداا ممكن ماتلقيش تاكل بس سهل انك تتفرج على جميع القنوات الفضائيه


ربنا يسهل ويستخدمه الاعلام فى الوضع المناسب

بارك الله فيك يا استاذنا
مثلما حدثت ثورة سياسية
فاننا نحتاج من انفسنا ثورة سلوكية على بعض السلوكيات الخاطئة التى تجرنا للخلف