اسئلة واجوبة كهربية فنية
 

السلام عليكم ورحمة الله وبركاته
موضوع تطرح فيه الاسئلة والاجوبة مباشرا وطبعا فنية مش هندسية قوي عشان احنا عارفين الكتب حاجة ولما تشتغل بإيدك حاجة تانية يعني السؤال لأهل الخبرة طبعا بموافقة واشراف السادة المهندسين لتعديل الاخطاء والفتاوى وطبعا في الاعتبار يكون السؤال واضح وفيه كل المعطيات وتكون الاجابة او الحل يحقق الشروط العالمية اللي هي البساطة حفظ المال والاعتماد يعني simple saved approved
هاطرح سؤال وهاجاوب عليه في اول مشاركة

سؤالي بيقول عاوز اوصل سخان 1500وات تمنين ليتر في الحمام المسافة بينه وبين اللوحة عشرة متر استخدم سلك كام ميللي؟

طبعا يا tanash51 بتستخدم سلك نحاس نتبع المعادلة الاتية
مساحة مقطع السلك المستخدم =شدة التيار ×المسافة ÷ 84
المسافة عشرة متر ×2 =20 متر
الخمسة وتمانين دي 56 في معامل السماحية للنحاس اللي هو واحد ونص تساوي 84
نيجي بقى لشدة التيار تقسم الوات على الجهد المستخدم واكيد 220 وهنا التيار المار 6.82 امبير
نعوض بقى في المعادلة
مساحة مقطع السلك =6.82×20÷84=1.6مم
طبعا استخدم اقرب اعلى مساحة مطلوبة يعني هاستخدم سلك 2مم بدون ما اشرك معاه اي حاجة ولا حتى شفاط خمسةو عشرين وات
وللسادة المهندسين التصحيح والتعقيب

احنا كلنا تقريبا شفنا الكشافات المثبتة على اعمدة الكهرباء المستخدمة في انارة الشوارع
الكشافات دي فيها لمبات ميتالات او مصابيح ميتالايت غالبا تكون250واط لا يتم توصيلها على التيار مباشرة ولكن يتم استخدام ترانس او محول ومكثف او باديء
السؤال كيف يتم توصيل الترانس والباديء مع المصباح الميتالايت مع العلم ان هناك باديء طرفان وباديء ثلاثة اطراف

[quote=tanash51;103318]
السؤال كيف يتم توصيل الترانس والباديء مع المصباح الميتالايت مع العلم ان هناك باديء طرفان وباديء ثلاثة اطراف[/quote]

بالنسبة لتوصيل المصباح الميتالايت مع ترانس خانق وباديء او مكثف ثلاثة اطراف كالتالي
هناخد فردة اللايف اللي هي الكهرباء نوصلها بالترانس ومن الترانس الطرف الاول في المكثف
الطرف الثاني من المكثف نوصله على اللمبة
فردة النبوترال نوصلها مباشرة على اللمبة ومعاها الطرف الثالث من المكثف

فى طريقه ديما نتبعها فى الاحمال الصغيره ومبنيه على التقريب ان الواحد مللى فى السللك النحاس بيتحمل تقريبا 5 امبير
لما يكون التيار 6.82
مساحه مقطع السللك المطلوب = 6.82/5=1.4مللى تقريبا
بس ده مش داخل فيها الدروب للفولت يعنى متنفعش فى الاحمال على مسافات بعيده والله واعلم

بالنسبه لتوصيله اللمبات مرسومه على الترنس والبادىء سهله جدا جدا مش محتاجه حاجه كانك بتوصل لمبه عاديه
والله اعلى واعلم

والله اعلى واعلم

جزاك الله كل خير

[quote=ahmedtiro;103777]فى طريقه ديما نتبعها فى الاحمال الصغيره ومبنيه على التقريب ان الواحد مللى فى السللك النحاس بيتحمل تقريبا 5 امبير
لما يكون التيار 6.82
مساحه مقطع السللك المطلوب = 6.82/5=1.4مللى تقريبا
بس ده مش داخل فيها الدروب للفولت يعنى متنفعش فى الاحمال على مسافات بعيده والله واعلم[/quote]

جزاك الله خيرا على ردك
بس حضرتك بتتكلم في متغير لا يمكن اهماله

[quote=ahmedtiro;103779]بالنسبه لتوصيله اللمبات مرسومه على الترنس والبادىء سهله جدا جدا مش محتاجه حاجه كانك بتوصل لمبه عاديه
والله اعلى واعلم[/quote]
الله ينور عليك هي فعلا بتبقى مرسومة على الباديء والترانس لكن لو اتنين طرف مش بتبقى مرسومة وخليني ما أعرفش الباديء هايتوصل توالي ولا توازي