منتدى الهندسة الكهربية

منتدى الهندسة الكهربية (https://www.ieees.com/)
-   قسم المحركات الكهربية و دوائر التحكم PLC ا (https://www.ieees.com/f-6/)
-   -   مهندس كونترول (https://www.ieees.com/f-6/365/)

eng 03-08-2010 01:50 PM

مهندس كونترول
 
[center][size="4"][color="red"]السلام عليكم ورحمة الله وبركاتة[/color][/size][/center]

للارتقاء بمستوى مهندس الكونترول كنت أريد أن يتفضل المهندوسون العاملون فى هذا المجال بشرح اليات العمل وطبيعة العمل ومتطلبات السوق للعمل فى هذا المجال لكى يستطيع المقدمين على العمل التزود بما هو ضرورى واكتسبات المهارات اللازمة للعمل .
لأننا وللأسف يوجد عدم تنسيق بين ما يطرحة السوق وبين خبرات المتقدمين .

[color="red"][size="5"][center]فى أنتظار مشاركتكم وشكرا مقدما[/center][/size][/color]

qjjiijiqjiij 03-08-2010 06:27 PM

اولا مرحب بيك معانا وشكراا على طرحك لهذا الموضوع ومنتظرين التفاعل ومشاركة باقي الاعضاء

احمد كامل 03-08-2010 07:09 PM

[center][b][color=navy]اهلا ومرحبا بك معنا ونتمني ان تتحق لك الفائدة [/color][/b]
[b][color=navy][quote]لأننا وللأسف يوجد عدم تنسيق بين ما يطرحة السوق وبين خبرات المتقدمين[/quote] [/color][/b]
[b][color=navy]كلام حقيقي وقد لمسه كل من تقدم للعمل في السوق المصرية (علي سبيل المثال )[/color][/b]
[b][color=navy]واذا حققت تفاعلا في مجال الكنترول سيتم تعميمها ان شاء الله [/color][/b][/center]

eng 03-09-2010 12:45 PM

شكرا لكم على هذا الترحيب
وفعلا هى مشكلة عشان كدة عايزين نساعد المتقدمين للعمل ونحاول نحل المشكلة.

eng 03-10-2010 10:20 PM

[center]السلام عليكم ورحمة الله وبركاته
فين التفاعل ياجماعة
هى صحيح مشكلة ايجاد فرص العمل المناسبة صعبة
بس مش مستحيلة
ارجو ان يكون هناك من تخصص فى مجالة وعمل بة وابدع
وارجو ايضا انه يساعدنا احنا كمان ان نتخصص فى هذا المجال
فى انتظار مساعدتكم[/center]

احمد كامل 03-10-2010 10:34 PM

[b][color="navy"]وعليكم السلام ورحمة الله وبركاته
بداية مشكور لاهتمامك ومتابعة موضوعك
[quote]هى صحيح مشكلة ايجاد فرص العمل المناسبة صعبة
بس مش مستحيلة[/quote]
فعلا عندك حق
واليك مثال
ربنا أكرمني وأنهيت الكليه علي خير
ودخلت الجيش وانهيت فترة الخدمه والحمد لله
وبعد كده قلت أدور علي شغل
كتير كانوا يقولولي دور في اي مجال مش شرط مجال مشروع التخرج ( توزيع الاحمال الكهربية )
وانا كل مابدأ اشوف موضوع الشغل ده الاقي نفسي مش قادر ادور الا في مجال المقاولات والمكاتب الاستشاريه
بس جيت في الاخر تعبت وقلت اروح اي مكان وخلاص
وبالرغم من ان ربنا كرمني بأكتر من فرصة بس بعيده عن مجال التصميم
مش كنت لاقي اي راحه نفسيه تجاهه
والحمد لله مع شوية صبر والاخذ بالاسباب ربنا كرمني بالعمل في مجال التصميم
وأدعو الله ان يوفقني واستطيع ان أكمل علي خير
وأتمني علي الله ان استطيع ان اقدم شيئا مفيدا في هذا المجال


اتمني ان يكون فيه فايدة من التجربة دي لاي مهندس هيبدأ في البحث عن وظيفه
انا في رأيي انه يختار القسم اللي بيحبه وعايز يتخصص فيه ومش يدور الا فيه
وبلاش يضحي ويروح اي وظيفه والسلام حتي لو اتأخرت عليه
مفيش حد هياخد رزقه قبل أوانه ولا هيتأخر عنه ثواني [/color][/b]

eng 03-12-2010 10:38 AM

[center][size="4"][color="blue"]شكرا يا بشمهندس على التواصل
ومعلش على التاخير فى الرد
وربنا يكرمك ان شاء الله فى عملك
ودة شئ كويس جدا انك تصمم تشتغل فى مجال مشروعك
بس ياريت لو تشرح لنا فى مجال بحثك عن العمل
اية المشاكل اللى واجهتك
ولقيت سوق العمل محتاج خبرات اية
عشان احنا عايزين نساعد الطالب اللى على وشك اختيار مشروع التخرج بتاعه
يكون عارف سوق العمل عايز اية
وهو يختار على اى اساس
او اللى حتى اتخرج يعمل اية ومهارات اية اللى يكتسبها عشان يقدر يشتغل فى تخصصة
وشكرا لك مقدما
واتمنى التفاعل من كل المهندسين اللى مشرفين المنتدى[/color][/size][/center]

احمد كامل 03-14-2010 01:16 AM

[CENTER][B][SIZE="3"][b][color="darkslategray"][quote]ومعلش على التاخير فى الرد[/quote]
وانا بعتذرلك عن التأخر في الرد ( وبكده نبقي خالصين ) :)

[quote]اية المشاكل اللى واجهتك[/quote]
مع الاسف من ضمن المشاكل اني أقابل المختصين وقبل ميتكلموا معايا كانوا يطلبوا الخبرة
وعلي الرغم من ان شهاداتي تدل اني بمجرد انتهاء فترة الدراسة دخلت الجيش الا انهم طالبين الخبرة ( وطبعا ده اسمه ......... ولا بلاش:mad: )
بس الحمد لله مع الصبر ربنا كرمني بالعمل الحالي اتقبلت فيه حتي قبل ماقدم الشهادات بعد المقابله الشخصية مباشرة ومن غير اوراق في الاول كمان


[quote]ولقيت سوق العمل محتاج خبرات اية[/quote]
في مجال الكهرباء كل الاقسام لها فرص عمل ان شاء الله
بس المهم شوية صبر وشوية كوسة احيانا

وعموما الافضل للطالب انه يختار المجال اللي بيحبه ويبدأ في تجهيز نفسه عمليا بالدورات العمليه قبل النظرية قدر المستطاع
ولو مجال فيه استخدام البرمجه زي مجال التصميم او البي ال سي او الميكرو كنترولر وهكذا يفضل انه يبدأ في تجهيز نفسه بالبرامج المحتاجها زي الديالاكس في مجال التصميم والتدريب علي اللادر في البي ال سي وتعلم لغة برمجه زي الاسيمبلي في مجال الميكروكنترولر وهكذا

[quote]عشان احنا عايزين نساعد الطالب اللى على وشك اختيار مشروع التخرج بتاعه[/quote]
زي مقلتلك رأيي انه الافضل يختار المجال اللي يحبه ويقدر يتعب نفسه علشان يدي المجال ده كل اللي محتاجه

[quote]يكون عارف سوق العمل عايز اية[/quote]
بداية الارزاق بيد الله
ولكن لو هو بيحب مجال التصميم مثلا هيلاقي مكاتب استشارية كتير طالباه بشرط انه يكون جاهز زي مقلتلك قبل كده
ولو هو بيحب الناحية الفنية فالمصانع كتير جدا

هذا رأيي وفي انتظار ردكم والاستفادة برأيكم
تقبلوا تحياتي [/color][/b][/SIZE][/B][/CENTER]

eng 03-15-2010 08:31 PM

[center][color="blue"]اولا شكرا ليك على الأهتمام والرد
جزاك الله كل خير
وطبعا الارزاق بيد الله
بس البت فى تخصص معين للعمل فية صعب جدا
خصوصا على قسم كهرباء
عشان معظم الشركات مش بتسمح بالتدريب
عشان اكتساب المهارات يكون للعاملين فيها بس
والعاملين دول بيكون لهم شرط جزائى فى حالة ترك العمل
وكمان الخبرة تعمل عائق كبير
بس المجال اللى اخترتة اضن انة متاح بنسبة معقولة
لكن مجال زى مجال البى ال سى ضيق جدا فى مصر
والعمل فيه صعب جدا
فاظن ان الاختيار مش يكون بس معتمد على الراحة النفسية
فحقيقى لو فى حد متخصص وشغال فى المجال دة يشاركنا تجربتة[/color][/center]

مهندس بيومى 09-12-2010 09:55 AM

السلام عليكم
احب اروى تجربتى
ببساطة انا كنت برده مشروع التخرج بتاعى فى التركيبات الكهربية وطبعا عمرى ما فكرت انى هسيب شغل المقاولات وكان كل تفكيرى وتدريبى فى المجال ده
خلصت الكلية ودخلت الجيش وطلعت ادور على شغل فى مجال المقاولات زى ما كنت مخطط بس للاسف لظروف خارة عن الارادة تركت المجال ده ورحت اشتغلت فى مصنع (مهندس صيانة وتحكم )
شوف كم المعاناة اللى شفتها من ساعة الانترفيو لحد دلوقتى الموضوع التحكم كان جديد على
بس انا بحاول انى اثبت نفسى كمهندس

اسف صدعتكوا بس الخلاصة ايه
1- لابد وانت فى الكليه تعد نفسك كويس دورات وكورسات وتدريب حقيقى
2-لابد ان تلم كل المجالات وان تعرف الاساسيات لكل المجالات وبعدين لما تشتغل تحترف فى مجال شغل وتنمى مهاراتك فى المجالات الاخرى
3- المهندس لابد ان يكون متكامل بمعنى له معرفة ولو بسيطة عن كل شئ
الفنى ينظر اليك على انك المنقذ فلا تخذله
4- لا تتكبر بعلمك وخبرتك واعلم ان الفنى انسان احترمه كما انه لديه من الخبرة العملية مايفوقك لذا عامله بود

وشكرا


الساعة الآن »10:34 AM.

Powered by vBulletin® Version 3.7.5
.Copyright ©2000 - 2024, Jelsoft Enterprises Ltd
3y vBSmart
F.T.G.Y 3.0 BY: D-sAb.NeT © 2011