السلام عليكم ازيكم يابشمهندسين كل سنه وحضراتكو طيبين الحقيقه انا مش مهندس خالص انا دكتور اسنان ههههههه بس عملت بحث على الانترنت عن منتدى فيه مهندسين كهرباء لاني محتاجكم ف استشاره ضروري جدا يارب تقدروا تساعدوني
القصه باختصار أنا واحد من الناس اللي عندهم electro sensitivity
أنا بعاني جدا من من أي مجالات كهربيه والجلوس قدام اللاب توب والتلفزيون يتعبني قوي من صداع لاعراض تانيه كتير انا طبيا الحمد لله معنديش مشكله
مشكلتي هيا اي مجالات كهرومغناطيسيه بتعب منها جدا
عملت بحث على الانترنت وللاسف المواقع العربيه مش متكلمه عن الموضوع ده خالص
بس ف المواقع العالميه فوجئت ان حالتي د عليها دراسات وابحاث رهيبه وقريت كتير ف الموضوع ده وكمان سمعت لمهندس مصري اسموا ابراهيم كريم ده مهندس معماري بس عالم ف مجال الطاقه
اللي طلعت منوا ان اهم حل لتقليل التأثير السلبي هو عمل وصله أرضيه لكل وصلات الشقه زائد استخدام عوازل قويه وبانواع خاصه فوق السلوك (معلش اعذروني ف المصطلحات انا مش بفهم خالص ف الكهربا)
مشكلتي بقه هيا اني عقبال عندكو حجهز الشقه لاني لسه خاطب فاتكلمت مع والدي وهو مهندس ديكور ف موضوع التوصيل الارضي
قالي ان مصر مفيهاش وصلات ارضي وحتى لو اقنعنا الكهربائي انو يصمم الكهربا على وصله ارضيه ازاي والاجهزه في مصر كلها مش متصممه على ان ليها وصله ارضيه !!!!! طب ايه الحل؟؟؟؟
ملحوظه (انا قريت على موقع اجنبي طريقه تحويل وصله اللاب توب مثلا انها تبقه وصله ارضي بس للاسف مفهمتش لان مصطلحات الكهربا مش مجالي خالص)
سؤالي التاني ايه هيا أفضل العوازل اللي أستخدمها وأقواهم
سؤالي التالت ايه هيا نصايح حضراتكوا ليا ف الموضوع ده
باختصار انا عايز اعمل تصميم الكهربا ف الشقه تبقه كميه electro magnetic radiati**
أقل مايمكن ومعزوله عزل فوق الممتاز
معلش طولت عليكم واي خدمه أو استشاره في طب أسنان أنا تحت أمر كل المهندسين العرب
ايميلي sharsharmsa@yahoo.com
شكرا

اقتباس   المشاركة الأصلية كتبت بواسطة mohamed_ibrahim هى فعلا المشكلة فى مصر انى الاجهزة مش مجهزة بارضى لكن انت ممكن تعمل ارضى مثلا لكل الانارة والبرايز والمفاتيح وتعمل من الخارج ارضى محلى وتوصل علية اما بالنسبة للاجهزة فى حل هو ان حضرتك تشترى الاجهزة التى بها مكان لطرف ارضى وهى موجودة بالفعل فى مصر بس الاهم انك تجهز كهرباء الشقة بالارضى بالكامل

اقتباس   المشاركة الأصلية كتبت بواسطة qjjiijiqjiij السلام عليكم ازيك يا دكتور هاقولك الموضوع باختصار الارضي للاجهزه بنعمله عشان الشحنات الزياده بتتفضي فيه فبيبقى فى سلك ثالث فى البريزه اللى فى الحائط يعنى بتبقى 3 فتحات بدل اثنين والسلك دا بيبقى نازل لحربه مدفونه فى الارض كويس طيب الاجهزه عندنا فيشتها اثنين بس ايه الحل الحل انك ممكن تغير كابل الباور للجهاز زى مثلا اجهزه الكمبيوتر بتبقى خارجه من الباور سابلاى 3 وتخرج اثنين يبقى انت تبدل من 3 ل 3 كويس طيب ثلاجه او غساله او سخان عشان تحل مشكلتها تربط سلك فى جسم الجهاز المعدن ويدخل فى الفاتحه الثالثه اللى نازله للارض وكدا يبقى عملت نفس المطلوب بس ياريت كهربائي اللى يوصل احسن توصل فى الكهربا بدل الارضى وتكهرب جسم الجهاز لو فى حاجه مش واضحه رد على

اقتباس   المشاركة الأصلية كتبت بواسطة احمد كامل السلام عليكم رحمة الله وبركاته بداية شرفتنا يادكتور ومرحبا بك معنا في اي وقت (( بما انك هتساعدنا في اي استشارة طبية مجانا )) تكملة للمهندس مصطفي بخصوص موضوع الارضي ( واللي هو موجود ومنتشر في مصر علي فكرة مش مبيتعملش زي محضرتك كنت متوقع ) بس الفكرة انك فعلا الفيشة اتنين بس ولو عملت نظام الارضي ده تبقي تاخد وصلة ( سلك ) من اي نقطة ف جسم الجهاز ( نقطة معدنية ) وتوصلها بالطرف الثالث في البريزة وبكده هيتم تسريب الشحنات الزائدة لكن بالنسبة لموضوع الصداع نتيجة الموجات الكهرومغناطيسية انا في رأيي انك ممكن تستخدم نظارة ( انتي ريفليكتور ) وانا اعرف ان االعاكس الاخضر هو الافضل في حالة جهاز الكمبيوتر او التلفزيون وبكده تجنب عنيك الموجات دي ( حتي لو نظرك (( اللهم لا حســد )) كان ستة/ستة )) وبالنسبة للعوازل فاحنا دايما بنستخدمها بس علشان موضوع الحماية من انك تتعرض لاي كهرباء بس اكيد طبعا انك لو مسكت اي سلك مش بيحصلك حاجه منه يعني التأثير كله من الموجات الخارجيه ودي ان شاء الله هتتخلص منها عن طريق التوصيل الارضي وعن طريق النظارة السحرية وعموما لو حبيت تسخدم اسلاك عزلها كويس فانا اعرف ان افضل الانواع في مصر هي اسلاك السويدي بس خد بالك ان فيه منها تقليد ( الفرق بين الاصلي والتقليد ) حوالي عشرة جنيه في اللفه اتمني نكون عرفنا نساعدك وان شاء الله قريب هطلب منك الفوزيتا