مشاركة

مشاركة

أعجبني

غرد

Google+

شارك إعجابك بالموضوع --» 

اولا شكرك يا مهندس على طرح الموضوع دا للنقاش


ثانيا

احنا عندنا فى مصر كل المصادر و المواردالطبيعية اللى تاهلنا لتوليد الطاقة المتجدده

طبعا اللى مستغله فقط فى المياه فى السد العالي

ولكن طاقة الشمس فى الصحراء الغربيه والرياح لم تستغل بعد
وهى على المدى البعد ستكون المصدر الرئيسيى للطاقة فى الشرق الاوسط وفى اوروبا

لو خلينا مستثمرين يعملوا محطات توليد الطاقة من الشمس والرياح مقابل الاستفاده بالعائد
لمدة معينه اعتقد ستحل ازمة الطاقة فى مصر قريبا

__________________
اللهم اغفر لابي واختي يارب العالمين
اسالكم الدعاء

اولا انا بتكلم عن المشكله اللي مصر فيها حاليا وهي كثرت الاحمال عن الانتاج ومما يترتب علي ذلك عمليات تخفيف الاحمال.
ثانيا عملية الطاقة المتجددة المحطات الشمسية وطاقة الرياح مكلفة جدا و مقارنة بالغازية او البخاريه او حتي النووية....ومحتاج وقت طويل في التركيب وعمليه الصيانة فيها صعبه جدا لانها بتعمد علي الالواح الزجاجية للاسف كلها مستورده طبعا غاليه جدا.......
لكن احنا فعلا عندا مشكله في مصر كبيره جدا ....واسبابها كتير منها الاستهلاك المتزايده علي الكهرباء
عدم وجود قاعدة بيانات في الدوله عن الاستهلاك الحالي والمتوقع نتيجة عدم التزام الجميع بالتصاريح (من الجميع النظام السابق والحالي والاهالي والمستثمرين عشان ما ندخلش في السياسه)
مشكلة في خطوط الغاز لتمركز المحطات في اماكن محدده . ومما يترتب عليه تشغيل المحطات بالسولار مما يضعف قدرة المحطات ويقلل من كفاءتها وعمرها الافتراضي.
قدم المحطات........اشياء تانيه اعتقد الكل عارفها بس ايه الحل
لو محطة نوويه محتاجين سنين وثقافة الناس تتغير والامن يرجع عشان نقدر فعلا نعملها ده لو الحكومة قدرت تاخد خطوة عظيمة زي دي
محطات توليد تاني غازية وبخاريه (امتي؟) و ده اهدار لثروة مصر من الغاز الطبيعي والسولار اللي مش لاقينهم .......ياريت كلنا نفكر نخدم بلدنا ونعرفهم دورهم في حل المشكلة(كمهندسين كهرباء مش سياسيين) في انتظار مشاركتكم.......

اقتباس   المشاركة الأصلية كتبت بواسطة eng.ali mostafa عدم وجود قاعدة بيانات في الدوله عن الاستهلاك الحالي والمتوقع نتيجة عدم التزام الجميع بالتصاريح (من الجميع النظام السابق والحالي والاهالي والمستثمرين عشان ما ندخلش في السياسه) .

انا شايف ان المشكلة موجوده من قبل كده بكتير
يعني مثلا في الاقاليم لما بتبني بيت وعاوز توصله كهرباء تبدأ شركة الكهرباء بعمل معاينة ( عن طريق فني ) فيقوم ( البعض ) ممن ليس لديهم ضمير بعمل المعاينة علي انها حمل بسيط ويتم احتساب الاحمال ( طبقا للكود المصري مع الاسف ) علي ان الحمل من 2-4 ك.ف.أ لكل 100 م2 وذلك في مقابل مادي بسيط حيث ان كل ما هو فوق 4 ك يبدأ يتحاسب ان 1ك تقريبا بـ 250ج
ولما تيجي تطلب ادخال محول لعمارة مثلا ( زي مثلا عمارة 12 دور في كل دور 4 شقة وكل شقة 100م2 تقريبا لما طلبت ليها محول قام المالك اعترض وقال لأ انا مش هدفع محول وسيبلي انا موضوع ادخال الكهرباء ) وطبعا ده حال ملاك كتير ويقوم بعد ذلك بمد كابل صغير من اي محول قريب ويتم التشغيل
وكمان تلاقي الناس بتعمل المبني دون الاهتمام الي حساب الاحمال اصلا يكفي فني الكهرباء يقوم بالتوصيلات وعمل اللازم ثم المالك يجيب تكييف وغسالات ومعدات تقدر تحفر مدينة وكل ده علي سلك 6مم ولا حاجه
وعلي الرغم من كل ده مفيش حد يقدر يدين حد ( حسب حد علمي ) لان اصلا الكود بيقول 4ك ف أ لكل 100 م2 في المباني السكنية
وكمان التجارية 12 ك في حين أصلا ان المحل اللي مساحته 50م2 ممكن يكون أعلي من الرقم ده بكتير

دي مجموعة من المشاكل في وجهة نظري ... وانا شايف ان الحل الامثل موجود بالفعل في قطر في شركة كهرماء حيث ان المشروع لا يأخذ رخصة البناء قبل ان يأخذ الاعتماد من شركة كهرماء هناك وكذلك الدفاع المدني وتقوم كهرماء بمراجعة الرسومات التصميمية للمشروع بل وللخامات ايضا وما الي ذلك ثم تقوم بالموافقة او الرفض ... فلو قامت شركة الكهرباء المصرية بتفعيل دورها في الرقابة علي المنشات سيترتب علي ذلك الاتي :
معرفة الحمل الفعلي للمشروع
تحديد اقرب محول او التغذية من محول مستقل
الاخذ في الاعتبار هذه الاحمال علي المحطة
وطبقا لمعاملات الامان التي ترتبط بمعدل زيادة الاستهلاك وتكلفة انشاء المحطة والوقت اللازم للانشاء يمكن التنبؤ بالاحتياج الي المحطة قبل ان نحتاجها بخمس سنوات مثلا فيتم الانتهاء من انشاءها قبل الاحتياج اليها ولا تحدث مثل هذه المشكلات

وبالنسبة للوضع الحالي :
انا شايف ان تقوم شركة الكهرباء بدعم منتجات موفرة للطاقة مثل لمبات الليد led بدلا من اللمبات الموفرة
تفعيل قانون علي المحلات التجارية بحد أقصي للقدرة الكهربية المسحوبة مثلا علي اليافطة الهارجية
تفعيل قانون يمنع انارة الواجهات قبل المغرب مثلا
تفعيل قانون باستبدال أي معدة تعمل بالكهرباء ويمكن ان تعمل بالغاز ان يتم ذلك ( بالقانون ) ولو قامت شركة الكهرباء بالتعاون مع وزارة البترول بدعم عملية التحويل من كهرباء الي غاز

__________________

تمام
انا شايف ان الحكومة زي ما هتعمل صحة للبنزين يكون في صحة في الكهرباء .؟ ازاي ؟ وده هيخلي الغني قبل الفقير يحافظ علي الكهرباء؟
دي خطوة بس في حلول تانيه

ان اسباب مشكلة الكهرباء فى مصر فى وجهة نظرى فى عدة اسباب
1-عمل مقايسات تقديرية من قبل الفنيين للمبلنى السكنية والتجارية دون اى اعتبارلدراسة طبيعة الاحمال للمنشأت
2-عدم وجود خطط خمسية لدراسة تزايد الاحمال الى حوالى 20 عام قادمةحيث ان اغلب محطات التوزيع وصلت الى التحميل الاقصى لهامما يودى الىسهولة فصل المحطات مع اى زيادة بسيطة فى الاحمال ودلك عن تجربة وهناك العديد من المحطات ولوحات التوزيع التى بالفعل وصلت الى اقصي حمل لكن الوقت لا يتسع لدكرها
3-تزايد حالات سرقة التيار الكهربىمع تزايد المبانى والابراج الغير مرخصةوتعظمت تلك الحالات فى السنوات الاخيرة بعد الثورة وغياب دور الشرطةالمكلفة بمنع تلك الحالاتحيث توجد مجمعات سكنية غير مرخصة باغلب المحافظات وتصل اليها الكهرباء بدون اى تعاقد او ترخيص
4-وجود مشاكل فى عدم توافر الوفود المستخدم فى تشغيل محطات التوليد من ديزل وغاز طبيعى وغيره ودلك لوجود مشكلة كبيرة فى الانتاج الدى لا يكفى الاستهلاك المحلى
الحلول المقترحة
1-سرعة الاتجاة لتوليد الكهرباء من المصادر المتجددة)الرياح--الطاقةالشمسية--الطاقة النووية)على مراحل ودلك لارتفاع التكلفةالانشائية
2-وضع الخطط الازمةلاستيعاب الاحمال الزائدة فى المستقبل بعد دراسة مستفيضة من قبل الخبراء والمتخضضين
3-عدم توصيل الكهرباء لاى منشاء الا بعد استيفاء جميع الشروط الازمة من دراسة الاحمال والتراخيص والتعاقدات ومعاقبة اى فنى يعوق دلك
4-عمل لجان مشتركةمن الفنيين ومباحث شرطة الكهرباء لحصر حالات سرقة التيار الكهربىوفصلها واتخاد الازم لعم تكرار ه مرة اخرى
5- توفير الوقود الازم اتشغيل محطات التوليد عن طريق وقف تصدير الغاز الطبيعى الى الخارج واستيرادما يلزم من ديزل وسولار وعمل برامج صيانة جيدة لتلك المحطات لرفع كفائتها خصوصا فى فصل الصيف حيث ترتفع الاحمال