منتدى الهندسة الكهربية - استفساربخصوص انشاء مكتب تصميم كهربي

[QUOTE=غادة رزق;192542]السلام عليكم ورحمة الله
انا مهندسة كهرباء دفعة 2013 بحب التصميم الكهربي جدا وده مجال لم يدرس في الكلية وكذلك لاتوجد دورات في محافظتى
وايضا لا يهتم احد بالاضاءة الداخلية
بس انا مش عارفة اشتغل غيره
عايزاكم تنصحونى من فضلكم
عايزة افتح مكتب تصميم اضاءة داخلية وماعنديش خبرة
بس انا بتعلم هل ده كافي[/QUOTE]

سؤالك عباره عن شقين
الشق الاول عن التعليم الذاتى self learning طبعا هو كافى وفيه ناس وكل حاجه ممكن نتعلمها ذاتياً مع الاخذ فى الاعتبار انه لازم يكزن فيه خبرع عمليه ولكن ده ممكن اكتسابها عن طريق سؤال من هم لديهم الخبره
الشق الثانى
خاص بعمل المكتب
اى مشروع اياً كان الاهم فيه هو التسويق marketing لانك لو فتحتى المكتب ومجلكش شغل كأنك مفتحتهوش وهيكون خساره المجهود والفلوس
لذلك علم التسويق بيدء اول حاجه انه يعمل حاجه اسمها marketing research عن طريق انه يحدد الشرحيه اللى هو هيشتغل عليه ويبدء يسئل هل هما محتاجين المشروع ده او لاء ؟
وانتى جاوبتى على السؤال ده لان قلت انك فى محافظه محدش مهتم بالاضائه الداخليه
معنى كده ان المكان اللى انتى موجوده فيه مش محتاج المشروع
لذلك نصيحتى لكى انك تفكرى تانى فى الموضوع
او تجربى حوار ال free lancer وده عباره عن ان فيه مواقع متخصصه بتدخلى عليها وتسجلى وفيه ناس تانيه بتقول انا عندى مشروع كذا ومحتاج اعمله تصميم انتى تقدم عرضك وتقولى انك مستعده تصميه وهكذا
لذلك لازم تنمى نفسك و دورى على شغل فى الجانب العملى و مش شرط يكون شغل فى الاضاءه الدخليه اى شغل تاخدة منه الخبره العمليه
بالتوفيق أن شاء الله