منتدى الهندسة الكهربية - سؤال خاص بنظام التليفون

[QUOTE]م مصطفى السلام عليكم
عايز أعرف حاجة بعد اذنك
عندى فى المشروع نظام تليفونات ويوجد بالرسم pabx 10 / 100 يعنى ايه 10/100
انا عارف ان ال pabx هو السنترال اللى بيوصل الدائرة العمومية الخارجية بمجموعة التليفونات الداخلية داخل المبنى
وياريت لو ممكن عايز أى ملف يتكلم بالتفصيل عن نظام التليفونات لأنى مش عارف حاجة فيها خالص بس ياريت تجاوبنى انت على السؤال ده يعنى ايه 10/100 وهل معنى خط تليفون 200 زوج ما هو الزوج؟
هل يعنى الزوج هو طرف موجب وطرف كهرباء بتوع التليفون؟
بمعنى أن الزوج يروح لعدة تليفون واحدة
وشكرا
أرجوا الرد سريعا وجزاكم الله خيرا
[/QUOTE]

الرد :

بعد اذن م/مصطفي

م/تامر الـpabx 10 / 100معناها انه مطلوب سنترال ( كما وصفته حضرتك ) ولكن يستقبل من الشركة العمومية للاتصالات عدد 10 خط ( خط خارجي ) ويغذي بالداخل عدد 100 عدة تليفون ( خط داخلي ) ويمكن لهذه العدد ( 100 ) ان تقوم بسحب أي من الخطوط الخارجية لعمل أي اتصال خارجي ( خارج الشركة مثلا أو اتصال مدفوع الاجر ) وذلك عن طريق برمجة السنترال كأن مثلا يضغط المتصل رقم 81 ليسحب الخط الاول - أو - 82 ليسحب الخط الثاني وهكذا -- أما الـ 100 خط الداخلية فيمكن الاتصال فيما بينهم ( داخليا طبقا لبرمجة السنترال ) دون أجر كأنك مثلا تضغط علي رقم 11 للاتصال بأول خط من المائة أو 12 للخط الثاني وهكذا حتي 110 للاتصال بالخط رقم مائة مثلا --- أرجو أن أكون قد أفدتك

الزوج هو ( فردتين سلك يتم توصيلهم بعدة التليفون ) وكل زوج يغذي عدد 1 عدة تليفون ولكن كمعامل أمان وكذلك حسب نوع العدة التي ستستخدم ( حيث انه اذا قطع هذا الزوج فهذا يعني سحب السلك واستبداله تماما ) يتم اللجوء الي استخدام عدد (2 ) زوج لكل عدة تليفون يتم تركيب أحدهما والاخر احتياطي ( بالنسبة للعدة العادية ) أما بالنسبة للعدة المميزة ( فهي تأخذ خطين ) فيتم استخدام عدد 2 زوج لها -- وكل زوج عبارة عن 2*0.6 مم من السلك النحاس المقصدر -- يرجي الرجوع الي لستة أسعار السويدي مثلا لمعرفة القطاعات والكابلات المتاحة من هذا النوع

-----------------
تم النشر للافادة