أرجوا الإفادة عن ربط نظام الصواعق بالتاريض
 

السلام عليكم
أرجوا أن تفيدونى أنا أعمل استشارى على مشروع انشائى ومقدم لى عدد 3 كتالوج لإعتماد إحداها فى عمل نظام التأريض والحماية من الصواعق هذه الكتالوجات هى (wallis - seico - furse) أرجوا أن تفيدونى أى شركة أختار ولكم جزيل الشكر

احسن شركة

furse

معتمده لدى وزارة التعليم العالى واغلب الوزارت

ممكن سؤال تانى هل ينفع أعمل نظام أرضى واحد لكل من مانعات الصواعق و نظام الأرضى
ولا أعمل نظام منفصل - بمعنى آخر هل أعمل أرضى خاص لحماية الاشخاص من التسريب الارضى - وأعمل أرضى أخر لنظام الصواعق؟ أرجوا الإفادة للأهمية.

مفروض
مفروض نزلات الصواعق او الدون كوندكتور بيتعملها نقطه اختبار او test point

على ارتفاع متر من الفينيش الخارجي وبعدين بيتربط على غرف التفتيش لنظام التاريض


يعنى مش لازم تبقى ليها نظام تاريض مستقل

بس اللى مفروض يتفصل تاريض التيار الخفيف مفروض يبقى ليه تاريض مستقل ومفروض مقاومته اقل يعنى مواصفاته اعلى

طب سؤال تانى الدون كوندكتور هل تكون مدفونة فى الجدران ولا تكون خارجة عن الجدران وهل تكون معزولة ولا عارية
هل أنا لو عملت نظام تأريض خاص للصواعق هل كدة انا غلطان
وجزاكم الله خيرا

بالنسبه للدون كوندكتور ممكن يكون ظاهر وبيبقى تيب او شريط نحاسي عاري

او ممكن يبقى سلك نحاس عاري دخلى وغالبا بيبقى 70 مم2 نحاس ودا بيقى مش ظاهر يعنى بيبقى داخل مواسير

طبعا كل شريط فى الكود ليه فى الكود قطاع سلك نحاس مكافىء

طبعا فى اماكن لازم يتعمل شريط لانه متاقدرش تعمله داخلى زى لو كانت الواجهه كارتن وول مثلا

او زجاج ومفيش مكان تركب داخلى

بالنسبه للمشروع اللى انا شغال فيه كان تيب وغيرناه ل دون كوندكتور مكافىء طبعا الدون كونداكتور ارخص



بالنسبه للسؤال انك تعمل تاريض خاص للصواعق تكلفه اضافيه بدون فايده بس فنيا مش غلط

1- من وجهة نظر الكود العالمى لمانعة الصواعق bsen 62350 لا يوجد مشكلة من ربط الارضى الخاص بالمبنى بارضى مانعة الصواعق كما هو مرفق لحضراتكم فى المرفقات من الكود ويفضل هذا الربط لجميع الانظمة

جزاك الله خيرا - بس سؤالى لحضرتك بالتحديد هل يدفن الداون كونكتور داخل الحيط - ولا بنزل من اعلى المبنى جنب الصواعد risers - يعنى يدفن داخل الحائط ولا نخليه برة طب ولو كان جوة الحائط هل يوضع فى مواسير pvc ولا لا

الدون كونداكتور لو سلك عاري مفروض يبقى داخلى علشان شكله مش هايبقى كويس

وبيبقى داخل مواسير بي في سي يعنى لو كان 70 مم2 ممكن يبقى داخل مواسير 23 مم بي في سي

وانا عملت المواسير دي داخل العمدان وطبعا ممكن تتعمل مدفونه فى البلوك

ولما كانت المواسير بتتعطل لاى سبب كنت بمشيها مواسير بي في سي ورا الجرانيت للمبنى طبعا الجرانيت بيخبيها


اما لو الدون كوندكتور عباره عن شريط نحاسي فدا بيبقى ظاهر

[f**t="arial black"][b]طب حضرتك انا عندى 14 air terminal هل دول يبقى عندى 14 دون كوندكتور؟؟[/b][/f**t]