للتسجيل اضغط هـنـا
#1
|
||||
|
||||
لو الدنيا لعبة سناك و أنت عمال تخسر.. لازم تغير المستوى !
لو الدنيا لعبة SNAKE .... وانت عمال تخسر على طول.. يبقى لازم تغير المستوى يا معلم المشكلة الكبيرة للناس انها ممكن تكون بتخسر ومش قادرة تفهم ايه سبب الخسارة بالتالى ناس بتفضل متمسكة بالامل فى حاجات منتهية ... !!! تخيل انك عايش حياتك عادى وعمال تخسر وفجأة تظهر رسالة قدامك تقولك : " كفاية يا كابتن انت بقالك كتير بتخسر ، و أحسن حاجة غير المستوى اللى بتلعب فيه" .. بجد تبقى حاجة جامدة , أصل المشكلة الكبيرة للناس انها ممكن تكون بتخسر ومش قادرة تفهم ايه سبب الخسارة بالتالى بتكمل لعب فى الدنيا وبتخسر برضه يبقى لازم يكون فيه مرشد ليك فى الدنيا يحذرك .. يعنى مثلا لعبة الثعبان بتاعة الموبايلات الـ نوكيا لما تفضل تخسر كتير.. تتوقف اللعبة عند كلمة " LEVEL " يعنى مستوى ، والمقصود انك لازم تغير المستوى عشان بقالك كتير بتخسر وهو ده اللى المفروض يحصل فى الدنيا.. يعنى مثلا واحد بيموت على واحدة ومعجب بيها وهى منفضاله وعمال يحاول معاها مرة يقعد على باب المدرج لما يعرف انها هتحضر المحاضرة دى ويفضل مستنى يمكن لما تعدى وتدخل المدرج تبصله والبنت تيجى فعلا وتدخل المدرج ولا كأنها شافته والواد يفضل يحاول ويجرى وراها يدور على نمرة تليفونها أو رقم بيتها لغاية ما يعرفه و يروح البيت يستناها تحته يمكن تبص من البلكونة ، فتشوفه قاعد تحت البيت وبرضه مش بتعبره، وبين يوم والتانى البنت تمشى مع واد تانى وهو برضه متعلق بأمل انها هترجعله هنا بقى لازم حد يوقفه عند حده ويقول بصوت عالى " فوق ياكابتن انت عمال تخسر بقالك كتير يا اما تغير المستوى اللى بتلعب عليه أو تغير اللعبة خالص يا اما تروح تقول للبنت بكل شجاعة انك بتحبها أو تنفض لها وتحب واحدة غيرها يا اما انك تفضل تخسر كده على طول فهى دى أكبر غلطة ممكن تغلطها . مش بس الحياة العاطفية للانسان هى اللى بتتحمل الغلط والخسارة فيه ناس بتفضل متمسكة بالامل فى حاجات منتهية لازم يغيروا كل حاجة حواليهم عشان يرجعوا للدنيا , * مثلا واحد بيشتغل شغلانة وأثبت بما لايدع مجالا للشك انه فاشل وجرب مرة واثنين وتلاتة وفشل طب ليه ما يغيرش اللعبة أو يغير المستوى اللى بيلعب فيه؟ أقولك ليه لانه مش عاوز يبان قدام نفسه انه بيخسر مع انه باين قدام الناس كلها بيخسر وهو من جواه عارف انه بيخسر يبقى الحل الوحيد فى الظروف دى ان اللعبة تقوله كفاية "Game over " يا كابتن غير المستوى اللى بتلعب فيه أو غير اللعبة وأكيد الدنيا هتظبط معاك وهتعمل " top score" فى اللعبة..
شارك إعجابك بالموضوع --»
__________________
ثلاث من حافظ عليها سعد فى الدنيا والاخرة: اذا ظهرت عليك نعمة فاحمد الله واذا ابطأ عنك رزق فاستغفر الله واذا اصابتك شدة فأكثر من قول لا حول ولا قوة الا بالله العلى العظيم |
#2
|
||||
|
||||
موضوع رااااااااااااااااائع جزاك الله خيرا
__________________
أمحو ذنوبك في خلال دقيقتين أقسم لك بالله ماهتندم بالعكس انت الكسبان اتفضل اضغط هــنـــا أو اضغط على الرابط التالى: http://www.shbab1.com/2minutes.htm |
#3
|
||||
|
||||
بس انا شايف ان مسألة الخسارة دي مسألة نسبية بمعني انك مش معني انك مش حققت هدف معين انك بالشكل ده خسران بص للموضوع من ناحية تانية ليه مش تكون خسرت في تحقيق الهدف المنشود بس كسبت اهداف تانية مش كانت في بالك فمثلا موضوع صاحبك الحبيب بتاع المحاضرة اهو خسر وقت ومحاضرات وفي الاخر مش وصل للي بيحبه بس اكيد بسبب اصراره ده قدر يستفيد بحاجه تانية وهي انه هيعرف ازاي يفكر الف مرة قبل ميقول انا بحب وهيتعلم ازاي يختار صح وازاي يتصرف صح من غير تضييع وقت ولا خسارة بالمعني اللي تقصده وصاحبنا اللي شغال شغلانه وعمال يخسر يكفي انه اكتسب خبرة في مجال الشغلانه دي ولو كمل في خسارته هيوصل ان شاء الله لهدفه وكمان بمستوي احسن من غيره كتير انا شايف ان موضوع الامل والاصرار علي الرغم من (( الخسارة )) مش عيب ولا غلط بس المهم ان الواحد وهو بيخسر يشوف ايه اللي ممكن يعمله علشان مش يخسر في تحقيق نفس الهدف يعني مثلا لو بنتكلم عن الدراسه وصاحبنا منفض ومش عارف ينجح الا بالمقبول مثلا لو فكر صح وسابه القعدة عند عم محمد بتاع الشاي اللي في الدور الثالث وشد حيله شوية في المذاكرة ومش اكتفي بملزمة الامتحانات المحلولة ااخر السنه اكيد هينجح باذن الله ويقدر يحقق هدفه لو مش امتياز مش هيقل عن جيد جدا في انتظار تعليقك |
#4
|
||||
|
||||
شكرااااا لمرورك يبشمهندس
ولكن لا تنسى ان لكل مجتهد نصيب وانا شايف ان الانسان لو فى خساره فلازم الانسان يغير من اتجاهه وكمان الموضوع بيتكلم عن تغيير مستوى الفكر مثلا وليس ان يترك الانسان الاصرار والعزيمه
__________________
ثلاث من حافظ عليها سعد فى الدنيا والاخرة: اذا ظهرت عليك نعمة فاحمد الله واذا ابطأ عنك رزق فاستغفر الله واذا اصابتك شدة فأكثر من قول لا حول ولا قوة الا بالله العلى العظيم |
#5
|
|||
|
|||
شكرااااا لمرورك يبشمهندس ولكن لا تنسى ان لكل مجتهد نصيب وانا شايف ان الانسان لو فى خساره فلازم الانسان يغير من اتجاهه وكمان الموضوع بيتكلم عن تغيير مستوى الفكر مثلا وليس ان يترك الانسان الاصرار والعزيمه |
العلامات المرجعية |
|
|
المواضيع المتشابهه | ||||
الموضوع | كاتب الموضوع | الأقسام الرئيسية | مشاركات | المشاركة الاخيرة |
دورة LG PLC training course ( المستوي الاول ) | ابوعبيدة2 | قسم المحركات الكهربية و دوائر التحكم PLC ا | 23 | 11-29-2017 05:17 PM |
تغير ترتيب خطوط الضغط الهوائية كل مسافه ؟؟ | qjjiijiqjiij | قسم خطوط النقل والتوزيع:: الكابلات الارضيةوالخط | 0 | 10-08-2012 07:38 AM |
الحرباء : لماذا و كيف تغير لونها ؟ سبحان الخالق | qjjiijiqjiij | فيديوهات يوتيوب العامة | 5 | 12-28-2010 08:27 PM |
لعبة جميلةFarmFrenzy3IceAge | الغريب | استراحة المهندسين | 0 | 05-23-2010 10:51 AM |
ما فائدة الدنيا الواسعة إذا كان حذاؤك ضيقا ؟! | qjjiijiqjiij | استراحة المهندسين | 1 | 03-13-2010 04:27 PM |