السلام عليكم
اولا: هناك معلومه لابد ان يعرفها الجميع وهى ان خرج
المحول المغذى يساوى 220 بين الفيز والنيوترال ويساوى 380 بين
الفيز والاخر - مع وجود نسبه تساوى 5% يعنى ال220 عند خرج
المحول تساوى 231 فولت تقريبا - وخللى بالك كلما ابتعدت عن
المحول كلما دخلت قيمه مقاومه الكابل الواصل لمنزلك فى الحسابات وظهر ما نسميه
بال voltage drop يعنى الفولت بيقل بطول المسافه - وده اللى
حضرتك بتقيسه بين الفيز والنيوترال فى البيت - فهو اصبح اقل من 231
الموجوده عند المحول وقل الى 220 الموجوده فى البيت عندك

وده حصل لانك استخدمت كابل الفيز وكابل النيوترال
فادخلت مقاومتهم فى الموضوع - وهبط الفولت



اما عندما استخدمت فرده واحده من الكابل وهى كابل
الفيز - والطرف الآخر هو الماسوره الارضيه - فانت بذلك
قد ادخلت مقاومه هذه الفرده من الكابل بالتوازى مع
مقاومه الماسوره(التى هى قليله جدا لاتصالها بالارض)
فاصبحت المقاومه الاجماليه طبقا لقانون التوازى=اصغر
من اصغر واحده فيهم(اللى هيا الارضى) وكانه لاتوجد
مقاومه مؤثره فى الموضوع فعدت لقراءه قيمه فولت
تقترب من قيمتها عند المحول =230

السؤال ثانيا: كيف تقيس فولت 220 عندما تريد قياس مقاومه؟؟؟
نقيس المقاومه بجهاز قياس المقاومه مش كده برضه؟

السؤال ثالثا: ممكن توضح لى كيف قمت بقياس امبير الشقه؟؟

للمعلومه قياس هذا الامبير يكون باستخدام الكلامب ميتر
الذى هو اشبه بالكماشه تلتف حول فرده كابل الداخله الى الشقه
ثم قراءه العداد الموجود به بعد ضبطه
لمعرفه سحب امبير هذه الشقه - وغير كده يبقى غلط

اتمنى ان اكون اوضحت الاجابه قدر الاستطاعه وباستخدامى
ابسط طرق التوضيح بدون الدخول فى تعقيدات القوانين
يعنى بشرحها بالبلدى

تحياتى

__________________