وعليكم السلام ورحمه الله وبركاته
كل هذه الاسئله بيتم الاجابه عنها فى رسومات التنفيذ حيث ان كل مشروع يتم عمل التصميم من قبل المتكب الاستشارى او المصمم ثم الرسومات التنفذيه من قبل مهندس المقاول
والرسومات التنفذيه بيكون فيها طريقه ربط اللنيات مع اللوحه الرئيسيه ومن هنا تقد تقيس طول اللنيه من على الرسم و تعمل الحصر وتعمل حساب النزلات وبكده تقدر تعرف كميه الخراطيم او المواسير اللى انت محتاجها واقطار هذه الخراطيم او المواسير و اللى هى عاده بتكون فى الخراطيم 16 للاناره و 23 للتكيف و البرايز و الغسالات و السخانات
بالنسبه لمكان الخرطوم بيكون اعلى الرقه الاولى من الحديد وبيتم رفع الحديد عن طريق بسكوت (دى مهمه المدنى ) عشان الحديد والخراطيم تكون متغطيه بالرخرسانه ويتم تثبيت الخرطوم فى المخرج بمسمار وربط الخرطوم فى الحديد عشان ما يعومش وقت الصبه
طرفين الخرطوم بيكونا ربط بين حاجتين يعنى مثلا كل تكيف هو لنيه مستقله و بالتالى الخرطوم هيكون من عند مخرج مفتاح التكيف الى اللوحه اما الاناره مثلا هناخد خرطوم من اللوحه اوصل الى اول مخرج فى اللنيه وبعدين من المخرج ده اخرج على المخرج التانى وهكذا حتى اخر مخرج فى اللنيه و كمان هيكون فيه الراجع الخاص بالمقتاح وده انا بثبته فى الخشب اعلى الحائط بمسمار(الصناعيه بيقولوا عليه بطح) وبعد كده فى الدق والتركيب بنزله حتى ارتفاعه فى الحائط وفى الغالب بيكون 120 من مستوى التشطيب
التمديد بيكون فى السقف الا اذا لو فيه مسار مش شغال معاك فى فى السقف نتيجه ان خرطوم اتعصر او اتقطع نتيجه الصب بناخده من الارض
انواع الخرطيم بتكون فيه خراطيم مقاومه للحريق و اخرى عاديه واشهر الشركات المصنعه للخراطيم بيت الهندسه و مصطفى محمود والرهاب وفيه مواسير و فيه منها عادى واخر مقاومه للحريق

__________________