لما الامبيل يكون 100 امبير

يعنى اللوحه 66 KVA

I=66*1000/380/1.732
=100A

دا كدا التيار التصميمي IB

حسب الكود انت محتاج كابل يستحمل تيار IZ
IZ=IB*1.2/D.F
D.F. اللى هو DERATING FACTOR اللى بينتج بسبب العوامل اللى بتاثر على الكابل زى درجه الحراره ووطريقة تكريب الكابل
هنا هاحسب على اسوء الفروض

انا سالتك عن كام كايبل تراى فوق بعض بس نسيت تقولى

هانفترض ان 3 فوق بعض فى اسوء الفروض وعدد الكابلات على الكابل تراى 6 وبين كل كابل قطر كابل يبقى كدا المعامل هايبقى .85 طبعا دا من كاتلوج الكابلات

ونفترض درجه الحراره 55 والكابل XLPE يبقى كدا المعامل .84

كدا ال D.F. =.85*.84=.714

يبقى كدا محتاجين كابل يستحمل سعه تياريه = IZ=100*1.2/.714=168.5A


كدا فاضل ال V.D.

علشان نحسب ال VOLTAGE DROP
محتاجين جدول من الكاتلوج اللى بنجيب منه mv/amp/meter

عشان نتستخدمها فى المعادل
=IB* mv/amp/meter * L*100/1000/380



طبعا الاول بنشوف ايه الكابل اللى بيستحمل التيار IZ وبعدين نشوف هبوط الجهد عنده

وهنا هنلاقي اصغر كابل يستحمل تيار 168.5 امبير هو 4*50مم2 بيستحمل تيار 179 امبير

طيب نحسب بقى هبوط الجهد عند 100 متر من المعادله السابقه

الاول هانجيب قيمة ال mv/amp/meter هنلاقيها .715

نعوض فى المعادله هنلاقى قيمه هبوط الجهد = 1.886 % وهى اقل من 2.5 % يبقى كدا كل الشروط اتحققت

يبقى هانستخدم كابل 4*50 مم2


ياريت يكون الشرح واضح

__________________
اللهم اغفر لابي واختي يارب العالمين
اسالكم الدعاء