مرحب بيك معانا




بالنسبه للمشروع من وجهة نظرى انه بسيط جدا حاول تخليه فى فكره اكبر من كدا
لان المشروع دا ممكن يتعمل فى كام يوم بالكتير


اما بالنسبه للانواع مش هاتفرق مفروض انك هاتعمل اللادر للبرنامج ممكن تعمل لاى نوع بسهوله


بس السؤال انت هاتشتري ال plc ولا هاتعمل البرنامج بس لو هاتشتريه قارن بالاسعار وفى الاخر اللى يهمك ان البرنامج يشتغل

اما لو مش هاتشتريه انت ممكن تعمل البرنامج باكتر من نوع ودا مش هايخد منك وقت


وانا رائي لو تقدر تطلع على مصنع تشوف ماكنه بتعمل موضوع معين بنظام زى المكسينج بالتحكم القديم الكنتاكتور والتايمرز وكدا وتقلبه بال plc ودا ممكن يساعدك مثلا انك تشتغل فى المكان دا او مكان مماثل


انا كان مشروعى plc بس كان المشروع ان احنا عملنا البي ال سي نفسه كهارد وير وعملناله كومبيلر (سوفتوير) نكتب عليه اللادر ودا اخد منا سنه

وبعدين فى اسبوع عملنا برنامج زى اللى انت بتقول عليه وطبقناه عليه والحمد اشتغل

ولما كنا بنقارن اللى عملنا بالاجهزه الثانيه

فعملنا اللادر للبرنامج باكثر من نوع(سمينز و ال جي و و ) ومنهم برنامجنا وكنا بنقارن سهوله كتابه اللادر بين الانواع

واللى عملناه كان اسهل واحد واسرعهم فى الكتابه

لو محتاج اى مساعده نساعدك ان شاء الله

__________________
اللهم اغفر لابي واختي يارب العالمين
اسالكم الدعاء