السلام عليكم احبائى المهندسين

تكلمنا كثيرا عن العلاقه التى من المفروض ان تكون بين


مهندس الكهرباء والمهندس المعمارى والمدنى


والتى بدونها لن يكون هناك عمل متكامل – او بمعنى اصح
عمل ناقص سيؤدى فى النهايه الى التصادم الشديد
موضوع التنسيق هذا لابد ان يتم قبل ان تقع المشكله

اذا وضعت مثلا الشيلر الخاص بالتكييف المركزى على سطح المبنى
فلابد ان تخبر المهندس المدنى عن وزنه على المتر المربع عشان يعمل حساباته

واذا وضعت مثلا محول فى غرفه لابد ان تعرف المهندس المعمارى عن
مكان فتحه الزيت – والمسافه بين عجل المحول
( آكس تو آكس) لعمل
قضبان دخوله

وخللى بالك المولد له فتحه الرادياتير التى يقابلها فتحه فى الحائط
يراعى فيها اتجاه الرياح – ومثلها فتحه الشكمان –
عشان الدخان
مايدخلش تانى للمولد بسبب الرياح


فيه ملحوظه ايضا مهمه – وهى ان الميل الموجود بفتحات
الشيش الصاج بتاع باب
المحول لابد ان يكون لأسفل – عارفين ليه –
عشان الاتربه ماتدخلش
غرفه المحول -
- وفيه حاجه كمان يمكن بنشوفها بس مش عارفين اهميتها
وهى ان جميع شبابيك غرفه المحول لابد ان تغطى بالكامل بسلك شبك اسمه سلك بقلاوه

تفتكروا السبب ايه؟ السبب هو الخوف من دخول الثعبان الى غرفه المحول فطوله
يمكن ان يسبب حدوث تلامس بين الاطراف الكهربائيه

من جهه الجهد المتوسط
وتكون الكارثه

عاوزين كمان ملحوظه؟؟ لابد ان يكون هناك نصيحه بعمل ارضيات غرف
الجهد المتوسط من الاسمنت الخشن -واوعى من السيراميك الناعم– خوفا من تزحلق عامل الصيانه عند دخوله
اليها او الى غرفه الرنج مثلا
والارضيه اللى قدام هذه اللوحات تكون صاج
علشان التاريض لحمايه عامل الصيانه اذا وقف امامها


واذا اردت تعمل تخطيط لمسار الكابلات فى منطقه سكنيه مثلا او مستعمره سكنيه
لابد ان يكون هناك تنسيق بينك وبين خطوط مواسير المياه والمجارى


واللى يفتكر منكم اى ملحوظه ممكن يضيفها هنا –
فكلنا زملاء ونحب ان ينبه
كل من الآخر --- وكمان عشان ينوبه ثواب – واخيرا لكم

تحياتى