السلام عليكم
اعتقد ان الخطه اللى قولناها فى الحلقه السابقه منطقيه وعجبتكم
واللى ما قرأهاش يقراها
بس قبل ما ندخل فى اول تصميم
تعالوا نتفق سوا على بعض الحاجات
اكيد لما بنقول كلمه حمل بنبقى عارفين مسبقا قيمته
يعنى حمل الاضاءه مثلا سهل من قانون او برنامج
تحسب عدد لمبات الاضاءه وتشوف وات كل واحده كام
ونضربهم فى بعض ويبقى ده حمل الاضاءه
ولو كان عندنا مثلا غساله فى البيت بنقدر نعرف الوات بتاعها
وكذلك السخان والدفايه (ودى بنسميها احمال خاصه)
البرامج كتير جدا وطرق الحساب سهله جدا
ولما نجمع كل الاحمال على بعضها يبقى ده هوا الحمل الكلى
اللى ها نعمل عليه حساباتنا
مع بعضنا كده ها نقول ان حمل الاضاءه= كذا+حمل الغساله كذا+حمل الدفايه كذا
يبقى مجموع الاحمال = كذا
ما علينا
فيه كمان نقطه مهمه وهى ان هناك ما يسمى بمعدل الاستهلاك
استهلاك شقه فى دور مش زى استهلاك شقتين ولا ثلاثه
كمان سبق وسمعنا عن حاجه اسمها الباور فاكتور
اللى كلما اقترب من الواحد الصحيح كلما كان افضل
واللى بناء على الباور فاكتور ها نعمل اثناء التصميم
ما يسمى بجدول اتزان الاحمال وهو من الاشياء المهمه
فى جداول حسابات الكهرباء
المعلومات دى قد تبدو للبعض بسيطه ولكن الحقيقه انها مهمه
لاننا بناء عليها ها نبدأ فى
الخطوات الاولى للتصميم
فى التصميم انت محتاج:
لرسومات توضيحيه للاعمال الكهربائيه
ودى تعملها على البلان المعمارى
ومحتاج نوته حسابيه تقول فيها حسبت ازاى
بالاضافه الى
كراسه الشروط والمواصفات
اللى بتوضح فى
بنودها كل ما تريد وما لم تتمكن من ايضاحه على الرسومات
كنوع الاضاءه مثلا وطريقه التثبيت وخلافه
او كنوع الماكينه المستخدمه
او طراز هذا الجزء من الحمل الكهربى
مرفق جدول لطيف بيبين معاملات الاستهلاك بدون احمال خاصه
مقاسا بعدد المستهلكين(الشقق)
عشان ان شاء الله واحنا بنصمم شقه
ثم مبنى له عدد من الادوار
ثم مجموعه مبانى فى مساحه معينه
- ها نحتاج هذه الجداول
ناخد اول جدول الاول وبعدين باقى الجداول لاحقا ان شاء الله
ومرفق ايضا رسم توضيحى والرأسى فيه زى الافقى
بالنسبه للمعامل
وما تنسوش الموضوع سهل وبسيط
لكن عاوزين صبر ومتابعه اول باول
تحياتى