السلام عليكم ورحمة الله وبركاته
مع احترامي الشديد للردين السابقين
نفس الموضوع ده كان قالقني في الاول وماكنتش بعرف اميز بين الاصلي والمقلد لكن تداول الموضوع وتكراره امامك هاتبقى عينك خبيرة وتعرفه بمجرد النظر
نيجي لموضوع الاسلاك مثلا اكثر سلك مقلد فعلا في مصر هي اسلاك السويدي يتم يتم تغليفها في مصانع تحت السلم في منطقة في القناطر الخيرية اسمها باسوس تقوم بتقليد جميع المنتجات الكهربية الاصلية زي اسلاك السويدي وسويدكس وعلب سقف مصطفى محمود وخراطيم السقف برضه المصانع دي بتشتري بكره السلك فاضية جاهزة بجنيه واحد وتلف عليه تسعين متر سلك ومقاس السلك بيبقى ناقص خمس ست شرطات على المايكرومتر وللعلم بيبقى فيه اسلاك طبعا مخلوط عليها حديد خردة
فالحل في موضوع السلك اول حاجة لا يمكن بالعقل والمنطق أن يباع المقلد بسعر الاصلي هاتلاحظ فرق كبير في السعر تاني حاجة تجيب مايكرومتر تالت حاجة ودي الاشهر موضوع وزن اللفة وفي نفس الوقت يكون معاك مايك تالف بتاع موبايل هايكون فيه مغناطيس صغير جدا لو السلك فيه نسبة حديد هاتشيل المغناطيس ده وبعد شوي هاتلاق عينك خبيرة وتعرف الاصلي من المقلد بمجرد النظر